Que raio é o “español neutro”?

Se todos eses que ven en certas linguas minorizadas e encurraladas unha ameaza á integridade sacrosanta da lingua española se preocupasen por un inimigo que ten esta dentro, unha perversión que se chama «español neutro» e que vai inzar nos produtos audiovisuais, empobrecendo a capacidade de expresión oral e escrita (e por tanto de pensamento) de millóns de hispanofalantes, ao mellor facían algo útil. Pero iso téñeno moi calado. Porque hai moito diñeiro para os petos duns poucos en xogo e porque canto máis inculto o votante, máis votos para estes.